31 мая біскуп Алег Буткевіч прызначыў пробашча катэдральнага касцёла ў Віцебску кс. Адама Дынака грэміяльным канонікам Віцебскай Катэдральнай Капітулы.

Катэдральная Капітула з’яўляецца своеасаблівым успаможным органам пры біскупе. Раней капітулы займаліся вырашэннем важным пытанняў і памагалі біскупу радай. Сёння большасць сваіх паўнамоцтваў катэдральныя капітулы згодна з патрабаваннямі Кодэкса Кананічнага Права перадалі святарскім радам і іншым дарадчым органам дыяцэзіі. Таму іх асноўная функцыя цяпер – дапамагаць біскупу супольнай малітвай і спадарожнічаць яму падчас урачыстых набажэнстваў.

Канонікі капітулы маюць права насіць крыж, малінавую накідку і пас, а таксама сутану з малінавымі гузікамі. Тытул каноніка даецца за значныя заслугі перад Касцёлам.

Паводле catholicnews.by

(AG)