Удзельнікі мелі магчымасць сустрэцца з ардынарыем Віцебскай дыяцэзіі біскупам Алегам Буткевічам, які цэлебраваў у адзін з дзён рэкалекцый для іх святую Імшу.

Тэма сёлетніх рэкалекцый тычылася адзінства, супрацоўніцтва і супольнасці, што з’яўляецца вельмі важным для тых людзей, якія трапілі ў алкагольную залежнасць і жадаюць ад яе вызваліцца.

У трэці дзень рэкалекцый праводзіўся Крыжовы Шлях. Кожны дзень праводзіліся канферэнцыі, якімі кіравалі кс. Павел Кнурэк і а. Андрэй Бочар MS, апошні з іх і з’яўляецца арганізатарам рэкалекцый.

Апрача прабывання на малітвах і канферэнцыях удзельнікі мелі шчаслівую магчымасць сузіраць прыгажосць Браслаўшчыны, наведваючы возера, лес, мясцовую гару Маяк і Замкавую.

(AYU)