29 лістапада моладзь парафіі Нараджэння Найсвяцейшай Панны Марыі ў Браславе (Віцебская дыяцэзія) разам з гасцямі з Полацка і Мёраў зладзіла свята «Андрэйкі», якое па традыцыі праходзіць перад Адвэнтам.

Вечарына была падрыхтавана ў стылі рэтра. Падчас яе гучала музыка 80-х гадоў, дзяўчаты і хлопцы былі апрануты ў рэтра-вопратку. Свята дазволіла ўдзельнікам апынуцца ў мінулым часе.

Моладзь полацкай парафіі падрыхтавала адметны танец. Атмасфера вечарыны была напоўнена весялосцю, сустрэчамі з сябрамі, знаёмствамі з новымі людзьмі.

Паводле waladarka.by

(AG)