Святкаванне Вялікадня паводле беларускіх традыцый адбылося ў браслаўскай парафіі. 11 красавіка моладзь Браслава і Мёраў сабралася разам, каб святкаваць Уваскрасенне Пана.

Распачаўся вечар малітвай у капліцы сясцёр эўхарыстак. Пасля адарацыі ўсе частаваліся дранікамі, якія гатавалі дзяўчаты напярэдадні ў доме сясцёр.

Пасля ў народных касцюмах вучыліся танчыць беларускія народныя танцы: «Ойра», «Таўкачыкі», «Верабей» і іншыя.

Прывабіў сабраных і прыгожы захад сонца, які пайшлі глядзець усе разам на Замкавую гару. Шмат цёплых і добрых уражанняў пакінуў ва ўдзельнікаў гэты святочны вечар.

С. Таццяна Гмыза