На думку галоўнага рэдактара газеты Апостальскай Сталіцы «L’Osservatore Romano» Джаванні Марыі Віяна асаблівасцю міжрэлігійнай сустрэчы ў Асізі з’яўляецца «прысутнасць тых, хто не атаясамлівае сябе ні з якой рэлігіяй». Дзень разважання, дыялога і малітвы за мір і справядлівасць у свеце адбыўся 28 кастрычніка 2011 г.

«Зноў выкрываючы непраўдзівасць неабгрунтаваных стэрэатыпаў, Пантыфік ідзе наперад і ў чарговы раз прапануе справу спакою, які будуецца ў пошуках адзінага Бога. Такім чынам, Бэнэдыкт XVI хацеў, каб у Асізі былі таксама няверуючыя інтэлектуалы, якія адбіраюць аргументы ў „ваяўнічых атэістаў“, а таксама патрабаюць ад вернікаў ачысціць веру і не рабіць амаральных учынкаў, зацямняючы тым самым празрыстасць Бога», — адзначыў журналіст.

На думку Джаванні Марыі Віяна, праз тое, што Святы Айцец Бэнэдыкт XVI прамовіў у Асізі на конт будавання спакою, Пантыфік далучыўся да «выраўноўвання шляху спакою».