Бэнэдыкт XVI прыме зборную Іспаніі па футболе

Святы Айцец

28.12.2010 17:32

14 лютага 2011 г. Святы Айцец Бэнэдыкт XVI прыме зборную Іспаніі па футболе, якая ў гэтым годзе стала чэмпіёнам свету. Пра гэта паведаміў прэзідэнт іспанскай федэрацыі футбола Анхель Марыя Вільяр. Нагадаем, што Пантыфік неаднойчы казаў пра ролю футбола ў выхаванні маральных каштоўнасцяў. «Футбол усё больш становіцца інструментам выхавання этычных і духоўных жыццёвых каштоўнасцяў», — адзначыў Пантыфік у кастрычніку 2007 г. Улетку ў «L’Osservatore Romano» быў апублікаваны артыкул пад назвай «Калі Ратцынгер піша пра футбол», дзе прыводзіліся некаторыя выказванні будучага Папы пра дадзены від спорту.