Фота Аўдыё Відэа  
be  ru  pl  en  de info@catholic.by
Гэта архіў старой версіі сайта. Новая версія знаходзіцца па адрасе catholic.by
Аргенцінскі футбаліст: папа Францішак — чалавек высокіх каштоўнасцяў, якога патрабуе свет
28.03.2013 12:28

«Усе аргенцінцы шчаслівыя мець у суайчынніках Папу. У нашай краіне вера з’яўляецца часткай нас саміх. Гэта вельмі сціплы Папа, які шмат дапамагаў бедным у Аргенціне: ён — цудоўны знак для ўсяго свету», — так каментуе абранне папы Францішка аргенцінскі футбаліст, капітан «Інтэра» Хав’ер Дзанэцці.

Футбаліст, словы якога прыводзіць руская рэдакцыя Ватыканскага радыё, нагадаў, што Пантыфік любіць футбол і балее за адзін з самых моцных аргенцінскіх клубаў, які ўваходзіць у пяцёрку нацыянальных лідараў, — «Сан-Ларэнса».

Хав’ер Дзанэцці расказаў таксама пра дабрачынную асацыяцыю, якую стварыў разам са сваёй жонкай і якая ўжо 10 гадоў дапамагае бедным аргенцінскім дзецям. «У сэрцы Папы жыве пастаянны клопат пра ўбогіх і абяздоленых. Гэта чалавек высокіх маральных каштоўнасцяў, і наш свет мае патрэбу ў такім чалавеку, — падкрэсліў футбаліст. — Не магу дачакацца моманту, каб усёй сям’ёй, з дзецьмі, сустрэцца з ім, паціснуць яму руку, прапанаваць сваю дапамогу ў любой справе».

(AG)

 

Пры выкарыстанні матэрыялаў сайта спасылка на Catholic.By абавязкова.

Спасылкі па тэме