«Верным слугой, руплівым святаром і здольным дыпламатам» назваў у спачувальнай тэлеграме Святы Айцец Бэнэдыкт XVI Апостальскага Нунцыя ў Кот-д’Івуары. Арцыбіскуп Амвросій Мадтха трагічна загінуў 8 снежня ў аўтакатастрофе падчас душпастырскага падарожжа на паўночным захадзе гэтай афрыканскай краіны.

57-гадовы іерарх працаваў у Кот-д’Івуары з 2008 г.

Як інфармуе польская рэдакцыя Ватыканскага радыё, Папа накіраваў спачувальную тэлеграму таксама Апостальскаму Нунцыю ў Індыі — на радзіме спачылага арцыбіскупа. Пантыфік нагадаў пра вялікі ўклад іерарха на карысць міру і супольнага дабра ў Кот-д’Івуары, дзе ў апошнія гады трывалі ўнутраныя канфлікты.

(AG)