26 мая Святы Айцец Францішак удзеліць Першую Камунію 44 дзецям. Урачыстасць адбудзецца ў рымскай парафіі свв. Альжбеты і Захарыя.

Як інфармуе польская рэдакцыя Ватыканскага радыё, гэтую парафію планаваў наведаць у сакавіку сённяшні Рымскі Пантыфік на пенсіі Бэнэдыкт XVI, але візіт не адбыўся, паколькі Папа абвясціў аб сваім рашэнні пакінуць Святы Пасад.

Вернікі гэтай рымскай парафіі толькі тры гады таму маюць уласную святыню — раней яны збіраліся на малітву ў гаражы, з якога зрабілі капліцу.

(AG)