Фота Аўдыё Відэа  
be  ru  pl  en  de info@catholic.by
Гэта архіў старой версіі сайта. Новая версія знаходзіцца па адрасе catholic.by
Біскупы Канады пра чыстасць і годнае перажыванне сексуальнасці
28.01.2011 13:09

Сваё апошняе пастырскае пасланне канадскія біскупы прысвяцілі чыстасці. Дакумент скіраваны да маладых людзей, якія жывуць самотна або ў сужэнстве, а таксама да асоб кансэкраваных.

У сваім пасланні іерархі ўказваюць на тое, якім вялікім дарам з’яўляецца сексуальнасць і колькі карысці і ласк атрымлівае асоба, якая перажывае яе згодна з воляй Бога. У пасланні падкрэсліваецца важнасць малітвы і сакрамэнтаў, духоўнага кіраўніцтва як дапамогі тым, хто прагне жыць у евангельскай чыстасці.

«Чыстасць сёння з’яўляецца выклікам асабліва для маладых людзей у нашай краіне, — каментуе пасланне старшыня дактрынальнай камісіі епіскапату Канады арцыбіскуп Майкл Міллер. — Таму мы, канадскія біскупы, хочам дадаць адвагі тым маладым людзям, якія маюць цяжкасці з чыстасцю, хочам запэўніць іх у нашай малітве і падтрымцы».

Пасланне напісана даступнай мовай і выдадзена ў цікавай і атракцыйнай форме. Завяршаецца яно канкрэтнымі прыкладамі з жыцця некаторых святых, якія могуць быць узорам у вытрыванні ў чыстасці.

 

Пры выкарыстанні матэрыялаў сайта спасылка на Catholic.By абавязкова.