Львоўская Мітраполія Каталіцкага Касцёла ва Украіне адзначыла 600-годдзе. Урачыстую літургію з гэтай нагоды 1 лютага 2012 г. узначаліў Апосталькі нунцый ва Украіне арцыбіскуп Томас Эдвард Галліксан.

«600-годдзе Львоўскай Мітраполіі — гэта вялікая радасць для Касцёла ва Украіне, — адзначыў яе кіраўнік арцыбіскуп Мечыслаў Макшыцкі. — Гэта прысутнасць Бога і Яго ласкі сярод людзей. Святкаваннем гэтага юбілею мы выказваем сваю падзяку Богу за ўсе ласкі і дары, а таксама благаслаўленні, якія людзі атрымлівалі праз Касцёл на працягу гэтых шасці стагоддзяў».

Урачыстасці з нагоды юбілею ўкраінскія католікі будуць адзначаць на працягу ўсяго 2012 г. У рамках юбілею 26 мая ў Кіеве распачнецца Першы ўсеўкраінскі Эўхарыстычны кангрэс.