На важнасць большай салідарнасці еўрапейцаў перад абліччам крызісу ўказаў новы Генеральны сакратар Камісіі епіскапатаў еўрапейскай супольнасці (COMECE) кс. Патрык Дэйлі. Святар адзначыў таксама, што задача Камісіі епіскапатаў — актыўна ўдзельнічаць у грамадскіх дэбатах на тэму будучыні народаў Еўропы.

У кантэксце выбараў у Еўрапарламент, якія пройдуць у 2014 годзе, кс. Патрык Дэйлі падкрэсліў, што Еўрасаюзу варта лепей прадстаўляць сябе і свае ідэі. У сваю чаргу лакальныя Касцёлы, па словах Генеральнага сакратара COMECE, павінны нагадваць грамадзянам, што іх хрысціянскім абавязкам з’яўляецца ўдзел у гэтых выбарах.

(AG)