Scandal of Grace — гэта спеў-малітва, у якой сцвярджаецца, што любоў Бога неспасцігальная, што немагчыма асягнуць яе моц, бо яна ў стане змяніць чалавека, перамяніць яго сэрца і падняць з граху. Любоў Бога настолькі здзіўляе і захапляе, што хочацца Яго пазнаваць і прыпадабняцца Яму.

Распачынаецца новы навучальны год. Пасля летніх канікулаў пачнуцца не толькі заняткі ў школах, але і катэхезы ў парафіях. У мінулым годзе за часы адраджэння Касцёла ў Беларусі ўпершыню былі выдадзены падручнікі для вучняў базавай і сярэдняй школы па навучанні катэхезе. У чым іх спецыфіка і якія праблемы яшчэ стаяць перад катэхетамі нашай краіны, мы спыталі ў с. Фабіяны Патшонсай MSF, былой старшыні Катэхетычнай секцыі пры ККББ.