«Пераадоленне беднасці і скарачэнне экалагічнай дэградацыі чалавечай супольнасці патрабуюць сур’ёзных змен у дамінуючай мадэлі развіцця, вытворчасці, гандлю і спажывання», — падкрэсліў 29 чэрвеня ў Нью-Ёрку на пасяджэнні Арганізацыі Аб’яднаных Нацый, прысвечаным змене клімату, старшыня Папскай рады „Iustitia et Pax”.

Папа Францішак прыняў на аўдыенцыі ў Ватыкане 29 мая прадстаўнікоў больш чым 40 універсітэтаў свету, якія далучыліся да дзейнасці Папскага фонда «Scholas Occurentes». Сустрэча адбылася з нагоды сусветнага кангрэсу гэтай ініцыятывы, які праходзіў у Рыме на тэму «Паміж універсітэтам і школай: сцяна ці мост?».