17 кастрычніка ў катэдральным саборы Кошыцкай грэка-каталіцкай епархіі адкрылася штогадовая сінакса (сустрэча) іерархаў Усходніх Каталіцкіх Цэркваў Еўропы. У сінаксе ўдзельнічае Апостальскі Візітатар для грэка-католікаў Беларусі архімандрыт Сяргей Гаек, як прадстаўнік Грэка-Каталіцкай Царквы Беларусі.

У сустрэчы прымаюць удзел шматлікія іерархі Каталіцкіх Цэркваў Еўропы візантыйскага абраду, а таксама прадстаўнікі іншых традыцый, асабліва Мараніцкай Царквы. Гаспадаром сустрэчы з’яўляецца Кошыцкі грэка-каталіцкі епіскап Мілан Хаўтур.

Сёлета адзначаецца 1150-годдзе ад пачатку славянскай місіі святых Кірыла і Мятода, настаўнікаў славянаў, таму месцам правядзення сінаксы быў абраны горад Кошыцэ ў Славакіі.

Галоўная тэма, якую абмяркоўваюць іерархі Усходніх Каталіцкіх Цэркваў Еўропы, — евангелізацыя культуры.

Паводле swjazep.org

(AG)