19 кастрычніка грэка-каталіцкі душпастырскі цэнтр св. Язэпа ў Мінску наведалі дзеці з мясцовага прытулку. Спецыяльна для іх валанцёры Руху св. Мікалая арганізавалі сапраўдную «японскую вечарыну».

Як лічаць арганізатары вечарыны, кожная парафія — гэта месца сустрэчы чалавека з Богам. Таму вельмі важна, каб да хрысціянскай супольнасці запрашаць дзяцей, асабліва тых, каму так цяжка ў сваім жыцці пабачыць Бога. Яны знаходзяцца ў пачатку свайго нялёгкага шляху, і іх жыццёвы выбар залежыць ад таго, ці змогуць яны зараз пабачыць любоў і дабрыню ў Царкве Хрыстовай.

Валанцёры Руху св. Мікалая заклікаюць усіх неабыякавых хрысціянаў актыўна далучацца да дабрачыннага служэння дзецям, асабліва пры сваіх парафіях. Валанцёры гатовы аказаць арганізацыйную падтрымку (гл. www.valancer.by).