19 лютага Святы Айцец Францішак прыняў кадравыя рашэнні ў Кангрэгацыі па справах Усходніх Касцёлаў. Між іншым, Пантыфік пацвердзіў паўнамоцтвы кансультатараў Кангрэгацыі, сярод якіх Апостальскі візітатар для грэка-католікаў Беларусі архімандрыт Сяргей Гаек.

Папа Францішак пацвердзіў паўнамоцтвы таксама прэфекта Кангрэгацыі кардынала Леанарда Сандры і сакратара Кангрэгацыі арцыбіскупа Кірыла Васіля.

Пацверджаны паўнамоцтвы як кансультатара Кангрэгацыі таксама мітрафорнага протаіерэя Васіля Гаверы, Апостальскага дэлегата для грэка-католікаў у Казахстане і Сярэдняй Азіі.

Акрамя гэтага, Святы Айцец прызначыў новых членаў Кангрэгацыі, сярод якіх біскуп Юзаф Верт, ардынарый дыяцэзіі Перамянення Пана ў Навасібірску і ардынарый для грэка-католікаў у Расійскай Федэрацыі.

(AG)