10-14 лістапада ў Рыме адбыліся Студыйныя дні, прысвечаныя прасапаграфіі ўніяцкага духавенства на беларускіх землях у XVI–XIX ст., удзел у якіх прыняў намеснік дырэктара Нацыянальнага гістарычнага архіва Беларусі, кандыдат гістарычных навук Дзяніс Лісейчыкаў.

Цягам дзён адбыліся сустрэчы і размовы з сакратарам Кангрэгацыі па справах Усходніх Касцёлаў арцыбіскупам Кірылам Васілем, дырэктарам Архіва Кангрэгацыі па справах Усходніх Касцёлаў д-рам Джанпаўла Рыгоцці, дырэктарам Генеральнага Архіва Ордэну Базыльянаў у Рыме а. Парфірыем Підручным, генеральным архіварыусам супольнасці айцоў марыянаў у Рыме Вальдэмарам Карпуком.

Дзяніс Лісейчыкаў распавёў пра даследаванні, якія праводзяцца Нацыянальным гістарычным архівам Беларусі ў вобласці вывучэння дакументальнай спадчыны Уніяцкай Царквы, і прадставіў сваю кнігу «Святар у беларускім соцыуме: прасапаграфія ўніяцкага духавенства 1596-1839 гг.».

11 лістапада падчас агульнай аўдыенцыі Апостальскі візітатар для грэка-католікаў Беларусі архімандрыт Сяргей Гаек прэзентаваў асобнік гэтай кнігі Папу Францішку.

Паводле svjazep.org

(AG)

Фота svjazep.org