8 лютага ў парафіях Беларускай Грэка-Каталіцкай Царквы пачаўся Вялікі пост — духоўная падрыхтоўка да Пасхі Гасподняй.

Першы тыдзень характарызуецца вячэрняй малітвай, на якой чытаецца Вялікі пакаянны канон Пачэснага Андрэя Крыцкага — з зямнымі паклонамі.

У пятніцу служыцца Літургія раней асвячаных Дароў.
 
Расклад службаў у грэка-каталіцкіх парафіях Мінска:

8 лютага, 9 лютага, 10 лютага, 11 лютага

Вялікі пакаянны канон св. Андрэя Крыцкага служыцца:

у 18.30 у парафіі Святога Духа (Чырвоны касцёл — ніжні храм)
у 18.30 у парафіі Маці Божай Нястомнай Дапамогі (у капліцы Душпастырскага Цэнтра, зав. Снежны, д. 7, ст. метро «Маладзёжная»)
у 19.00 у парафіі Праведнага Язэпа і парафіі Св. Міколы Цудатворцы (у капліцы Душпастырскага Цэнтра святога Язэпа: вул. Арджанікідзэ, д. 6, ст. метро «Аўтазаводская»)

12 лютага
Літургія раней асвячаных Дароў служыцца

у 18.30 у парафіі Святога Духа
у 19.00 у парафіі Праведнага Язэпа і парафіі Св. Міколы Цудатворцы
 
13 лютага
 
у парафіі Праведнага Язэпа і парафіі Св. Міколы Цудатворцы
у 9.30 — Боская Літургія св. Яна Залатавуснага
Успамін святых Апосталаў славянаў Кірыла і Мятода (з 14 лютага)
 
у парафіі Маці Божай Нястомнай Дапамогі
у 10.00 — Заўпакойная Боская Літургія з Паніхідай

Паводле svjazep.org

(AG)