«Хочам надалей мужна працягваць малітву аб добрым плёне сустрэчы Папы Францішка і Патрыярха Кірыла — праз заступніцтва супольных святых — Апосталаў славянаў Кірыла і Мятода і пад іхняй апекай дзейнічаць не як супернікі, а як браты», — адзначыў Апостальскі візітатар для грэка-католікаў Беларусі архімандрыт Сяргей Гаек.

Прысвечаны адносінам грэка-католікаў і праваслаўных вернікаў асобны пункт дэкларацыі, як адзначаюць у прэс-службе, нагадвае адаптацыю тэкста дэкларацыі з Баламанд у Ліване, прынятай у 1993 годзе Міжнароднай камісіяй тэалагічнага дыялогу Каталіцкага Касцёла і Праваслаўнай Царквы.

«Тэкст быў візіраваны святаром Маскоўскага Патрыярхату, але ў выніку так і не быў прыняты іерархамі Рускай Праваслаўнай Царквы», — дадаюць у прэс-службе.

«Беларускія грэка-каталіцкія душпастыры моляцца аб магчымасці атрымаць згодна з тэкстам Дэкларацыі «ўсё неабходнае для задавальнення духоўных патрэбаў сваіх вернікаў» і гатовыя ў прымірэнні шукаць прымальных формаў узаемнага суіснавання з праваслаўнымі братамі і сёстрамі — на славу Божую і для дабра супольнай Бацькаўшчыны», — адзначылі ў прэс-службе Апостальскага візітатара для грэка-католікаў Беларусі.

(IL)