21 мая валанцёры руху св. Мікалая правялі ў Мінску акцыю для дзяцей з прытулку Ленінскага раёна. Дзеці разам з валанцёрамі адправіліся ў лес, каб ператварыцца ў індзейскае племя, прайсці шмат выпрабаванняў і здабыць скарбы Майя.

Халоднае надвор’е і дождж, якія былі напярэдадні, не перашкодзілі дзіцячай малітве і жаданню адправіцца ў падарожжа.

У лесе на паляне Апачаў дзяцей сустрэлі Лена «Мора па Калена» і Каця «Асліная Галава», якія паведамілі дзецям вялікую тайну аб легендарных скарбах Майя. Так дзеці вырушылі ў нялёгкі шлях да каштоўнасцяў.

Праз конкурсы і спаборніцтвы з канкуруючым племем дзеці ўсё ж дасягнулі запаветнай мэты.

Паводле svjazep.org

Фота svjazep.org