Фота Аўдыё Відэа  
be  ru  pl  en  de info@catholic.by
.
.
Гэта архіў старой версіі сайта. Новая версія знаходзіцца па адрасе catholic.by
У Гродне адкрылася фотавыстава сустрэчы беларусаў з Янам Паўлам ІІ у 1991 г
Беларусь - Гродзенская дыяцэзія
25.04.2014 12:47

У Генеральным консульстве Польшчы ў Гродне адкрылася выстава «Пілігрым», прысвечаная бл. Яну Паўлу II. Аўтарамі фотаздымкаў з’яўляюцца беластоцкія фатографы Пётра Савіцкі і Анджэй Сакольскі.

Выстава «Пілігрым» нагадвае пра наведванне Пантыфікам Беластока, падчас яго пілігрымкі ў Польшчу ў 1991 годзе. Тады на сустрэчы прысутнічалі шматлікія пілігрымы, якія прыехалі з Беларусі, асабліва з нановапаўсталай Гродзенскай дыяцэзіі.

Ва ўрачыстым адкрыцці выставы прыняў удзел дапаможны біскуп Гродзенскай дыяцэзіі Юзэф Станеўскі, генеральны консул польскай дыпламатычнай пляцоўкі ў Гродне Анджэй Хадкевіч, а таксама гарадзенцы і запрошаныя госці.

Біскуп Юзэф Станеўскі ў сваёй прамове прыгадаў падзеі, якія адбыліся 23 гады таму. На той час яшчэ семінарыстам, разам з сотнямі вернікаў з Беларусі, ён паехаў у Беласток, каб маліцца разам з Папам. Ён дадаў, што на сустрэчы прысутнічалі выхаванцы наноўпаўсталай, дзякуючы намаганням цяперашняга Мітрапаліта Мінска-Магілёўскай архідыяцэзіі Тадэвуша Кандрусевіча, Вышэйшай духоўнай семінарыі ў Гродне.

Як адзначыў біскуп Станеўскі, гэта была незвычайная сустрэча з Папам Рымскім на адлегласці працягнутай рукі, якая пакінула глыбокі след у памяці кожнага ўдзельніка сустрэчы.



Для выставы «Пілігрым» былі абраныя менавіта тыя фотаздымкі, дзе прысутнасць пілігрымаў з Беларусі на сустрэчы з Папам Рымскім найбольш відавочная.

Гэта выстава «Пілігрым» у Гродне была падрыхтавана пры падтрымцы Гарадскога кіравання ў Беластоку, якому і належаць прадстаўленыя фотаздымкі, а таксама дзякуючы ініцыятывы Генеральнага консульства Рэспублікі Польшча ў Гродне.

Выставу можна наведаць у час працы консульства : 8.30-16.30.

 кс. Юрый Марціновіч
 
для друку


Пры выкарыстанні матэрыялаў сайта спасылка на Catholic.By абавязкова.

Беларусь - Гродзенская дыяцэзія

10.07 14:12Рэпартаж з Дубка — самай лясной капліцы ў Беларусі
08.07 20:48Урачыстасці Маці Божай прайшлі ў санктуарыі ў Тракелях
23.06 14:47Завяршылася IX Парафіяда дзяцей і моладзі Гродзенскай дыяцэзіі
21.06 13:16Дыяцэзіяльная Парафіяда ў Гродне прыняла рэкордную колькасць удзельнікаў (+фота)
20.06 16:16Велапрабег для маленькіх парафіянаў прайшоў у Іўі
19.06 14:45Перапынак у вучобе без спынення фармацыі: у гродзенскай семінарыі завяршыўся навучальны год
16.06 14:33Тысячы католікаў прайшлі вуліцамі Гродна ў працэсіі Божага Цела
10.06 00:19Адышоў у вечнасць бацька кс. Юрыя Ёдзіка
08.06 15:37Memento mori. Ксяндза Яна Шуткевіча пахавалі на гарадскіх могілках у Гродне (+фотарэпартаж)
06.06 13:13Згарэў касцёл у Клюшчанах — месца служэння Казіміра Сваяка (абноўлена)

 
© 2003-2024 Канферэнцыя Каталіцкіх Біскупаў у Беларусі		 Кантакты