Фота Аўдыё Відэа  
be  ru  pl  en  de info@catholic.by
.
.
Гэта архіў старой версіі сайта. Новая версія знаходзіцца па адрасе catholic.by
ІV Дыяцэзіяльная сустрэча настаўнікаў адбылася ў Шчучыне
Беларусь - Гродзенская дыяцэзія
26.06.2014 09:17

20-21 чэрвеня ў Санктуарыі Маці Божай Фацімскай адбылася чацвёртая сустрэча душпастырства настаўнікаў, выкладчыкаў і выхавацеляў Гродзенскай дыяцэзіі. Запланаваныя падчас сустрэчы мерапрыемствы дазволілі яшчэ раз паразважаць над важнымі пытаннямі веры, духоўнага развіцця  асобы самога настаўніка, сучаснай моладзі.

Пасля прывітальнага слова кіраўніка душпастырства кс. Антонія Грэмзы ўдзельнікі мерапрыемства правялі Ружанцовую малітву з разважаннямі, падрыхтаваную настаўнікамі горада Гродна. Важным момантам праграмы стала ўрачыстая Святая Імша, цэлебраваная дапаможным біскупам Юзафам Станеўскім. Пасля Імшы сапраўдным падарункам для прысутных стала выступленне пробашча  касцёла айца Вітольда, які цікава расказаў пра дзейнасць айцоў піяраў, пра тую сістэму адукацыі, якую яны стварылі яшчэ ў далёкія часы і пра іх працу на сучасным этапе.

Другі дзень сустрэчы распачаўся ранішняй малітвай каля фігуры Маці Божай Фацімскай. У Нябеснай Заступніцы ўсе прысутныя маліліся за настаўнікаў, выхаванцаў, за маладое пакаленне, якое так лёгка можа згубіцца ў сённяшнім жыцці. Наступнай часткай праграмы стала канферэнцыя на тэму «Божы закон і яго ўплыў на светапогляд чалавека», праведзеная кс. Віталіем Сідоркам. Далей удзельнікі сустрэчы атрымалі цудоўную магчымасць паразважаць над тэмай «Дыялог з Богам і з сабой — шлях да святасці» ў трох групах, у якіх размову арганізоўвалі кс. Юрый Жэгарын, кс. Антоній Грэмза, кс. Віталій Сідорка.


Пасля Адарацыі Найсвяцейшага Сакрамэнту сёлетнюю падзею настаўніцкай супольнасці завяршыла святая Імша, падчас якой удзельнікі сустрэчы дзякавалі Богу за магчымасць прысутнічаць на мерапрыемстве, абменьвацца думкамі, разважаць над сапраўднымі каштоўнасцямі настаўніцкага жыцця. Няхай такія сустрэчы стануць важнай крыніцай фарміравання сапраўднай веры як асобы настаўніка, так і таго пакалення, якое яны выхоўваюць.

Алена Садоўская

 
 
для друку


Пры выкарыстанні матэрыялаў сайта спасылка на Catholic.By абавязкова.

Беларусь - Гродзенская дыяцэзія

10.07 14:12Рэпартаж з Дубка — самай лясной капліцы ў Беларусі
08.07 20:48Урачыстасці Маці Божай прайшлі ў санктуарыі ў Тракелях
23.06 14:47Завяршылася IX Парафіяда дзяцей і моладзі Гродзенскай дыяцэзіі
21.06 13:16Дыяцэзіяльная Парафіяда ў Гродне прыняла рэкордную колькасць удзельнікаў (+фота)
20.06 16:16Велапрабег для маленькіх парафіянаў прайшоў у Іўі
19.06 14:45Перапынак у вучобе без спынення фармацыі: у гродзенскай семінарыі завяршыўся навучальны год
16.06 14:33Тысячы католікаў прайшлі вуліцамі Гродна ў працэсіі Божага Цела
10.06 00:19Адышоў у вечнасць бацька кс. Юрыя Ёдзіка
08.06 15:37Memento mori. Ксяндза Яна Шуткевіча пахавалі на гарадскіх могілках у Гродне (+фотарэпартаж)
06.06 13:13Згарэў касцёл у Клюшчанах — месца служэння Казіміра Сваяка (абноўлена)

 
© 2003-2024 Канферэнцыя Каталіцкіх Біскупаў у Беларусі		 Кантакты