Сведчанне парафіянкі: аднаўленне святых мiсiй у парафii Свв. Космы i Дам’яна ў Астраўцы |
Беларусь - Гродзенская дыяцэзія |
07.10.2014 12:58 |
Мы чакалi гэтага моманту цэлы год. Роўна столькі часу прайшло з моманту, калі ў нашу парафiю Свв. Космы i Дам'яна ў Астраўцы прыязджалi мiсiянеры — айцы рэдэмптарысты з Гродна. Мне вельмi хочацца падзялiцца з вамi гэтымi ўражаннямi i словамi, што прыйшлi да нас праз вусны мiсiянераў, а. Валерыя Мазюка i а. Анджэя Iадкоўскага. Iх прысутнасць — фiзiчная i малiтоўная — жывое Слова Бога i ўласны прыклад веры, любовi, назаўсёды застануцца ў нашых сэрцах. Святары прыгадвалi нам аб найважнейшых рэчах: аб малiтве, без якой немагчыма шчаслiвае жыццё сапраўднага хрысцiянiна; аб прыняццi сакрамэнтаў пакаяння i Эўхарыстыi часта, не з прымусу, але з любовi да Бога; аб тым, што Касцёл — гэта не будынак, а кожны з нас, кожны хрысцiянiн, якi любiць Бога, якi хоча часта Яго бачыць i сустракацца з Iм не толькi ў сценах касцёла, але непасрэдна ў сваiм сэрцы кожны дзень. «Калi Касцёл не будзе тваiм домам, то Бог нiколi не будзе тваiм Айцом», — кажа св. Цыпрыян, а за iм паўтарае гэтыя словы для нас а. Валерый. Перадаць гэта немагчыма! Немагчыма назваць Бога сваiм Айцом, калi я не адчуваю сябе ў сваiм касцёле, як у сябе дома! Я добра запомніла гэтыя словы i часта паўтараю iх сабе, калi думаю пра тое, што я раблю ў сваiм парафiяльным касцёле. Цi заўсёды я ўсведамляю, што Дом Божы — гэта мой Дом? Калi так, то гэта значыць, што мяне турбуюць яго праблемы, як свае ўласныя, я гатовая аддаваць свой час i ўсе свае таленты, каб гэты мой Дом быў прыгожым, утульным месцам, дзе я сустракаюся з Богам у Эўхарыстыi i са сваiмi братамi i сёстрамi, каб падзялiцца радасцю i падтрымаць у час цяжкасцяў. Яшчэ шмат важных думак пакінулі нам мiсiянеры, каб кожны мог паразважаць над сабой i сваёй верай. Няхай Дух Святы «працуе» далей у нашых сэрцах, каб гэтыя прыгожыя Божыя словы не засталiся толькi словамi, але сталi нашым прыгожым штодзённым жыццём. А нашыя дарагiя айцы-мiсiянеры няхай заўсёды будуць шчаслiвымi хрысцiянамi на сваёй дарозе да Неба! Няхай наш Айцец Нябесны аддзячыць iм за iх служэнне, за адданасць Богу i свайму паклiканню. Яўгенiя Раткевiч |
Фотарэпартаж |