24 верасня адбылася сустрэча ў капліцы Маці Божай з Люрда, якая знаходзіцца пры раённай бальніцы ў Лідзе. У сустрэчы прыняў удзел кс. Юрый Беганьскі, члены Саюза палякаў у Беларусі Лідскага аддзела пад кіраўніцтвам Ірыны Бярнацкай і бацькі дзяцей з асаблівасцямі развіцця.

З пункту гледжання медыцыны з сем’ямі размаўляла член арганізацыі Саюза палякаў у Беларусі, урач паліклінікі Кацярына Башкевіч. Яна звярнула ўвагу на медыцынскі аспект пагаршэння стану, сімптомы як у дзяцей, так і ў дарослых, адэкватную рэакцыю і паводзіны ў сям’і з такой праблемай, магчымасці сучаснага лячэння. Урач заахвоціла сем’і да ўзаемнай падтрымкі і супрацоўніцтва з супольнасцю.

(AYU)