У Лідзе прайшла Імша за медперсанал цэнтральнай раённай бальніцы |
Беларусь - Гродзенская дыяцэзія
|
18.10.2014 17:27 |
17 кастрычніка, у вігілію свята св. Лукі, Евангеліста, на тэрыторыі цэнтральнай раённай бальніцы ў Лідзе ў капліцы Маці Божай з Лурда, апякункі хворых, адбылася святая Імша за медперсанал бальніцы. Імша праводзілася з нагоды свята св. Лукі, апекуна ўрачоў і медперсанала.
Імшу канцэлебравалі капелан кс. Юрый Беганскі і кс. Андрэй Агель SChP. У гаміліі кс. Андрэй Агель падкрэсліў, што добры ўрач — гэта той, хто атрымаў пакліканне і ім жыве. Па словах святара, дзякуючы такім людзям будуецца добры мір і салідарнасць, бо быць урачом можа і гатовы не кожны, таму што медыцына — гэта не праца, а пакліканне.
У агульнай малітве ўдзельнікі Імшы прасілі Божай міласці і адкрытасці сэрцаў для медработнікаў у іх нялёгкім служэнні.
На заканчэнне Імшы кожны атрымаў абразок з выявай св. Лукі і малітвай урача.
Урач-тэрапеўт Ірына Снапко, AG
|