19 кастрычніка дзіцячы хор «Барка» выступіў з канцэртам у сваёй парафіі Святой Сям’і ў Лідзе са спевамі, прысвечанымі Марыі. Таксама самыя малодшыя парафіяне паўдзельнічалі ў прадстаўленні, прысвечаным св. Яну Паўлу ІІ, літургічны ўспамін якога будзе адзначацца 22 кастрычніка.

З нагоды ўспаміну св. Яна Паўла ІІ наймалодшыя дзеці ўдзельнічалі ў прадстаўленні «Святы Ян Павел ІІ, маліся за нас», дзе распавядалі пра жыццё і навучанне вялікага Папы.

Дзеці дэкламавалі вершы і яго выказванні з розных гадоў Пантыфікату. Пад акампанемент парафіянкі Марысі Гузоўскай яны праспявалі любімы спеў Папы «Барка», а таксама «Лёлек», які апавядае пра жыццё і пакліканне святога.