Стогадовы арган з касцёла святых апосталаў Пятра і Паўла ў Гожы, адрамантаваны спецыялістамі з Польшчы, быў асвечаны падчас урачыстай святой Імшы дапаможным біскупам Гродзенскай дыяцэзіі Юзафам Станеўскім 8 лістапада.

Як распавёў карэспандэнту Catholic.by пробашч парафіі кс. Павел Шанчук, пасля Імшы адбыўся арганны канцэрт — на стогадовым інструменце іграў вядомы гродзенскі арганіст Бруна Тэрмен у суправаджэнні спеваў салісткі гродзенскай капэлы Марыны Гаравой.

Арган з Гожы быў выраблены ў Латвіі ў 1913 годзе фірмай «Эміль Марцін».