28 лістапада моладзь і дзеці з Дзятлава (Гродзенская дыяцэзія) сабраліся ў мясцовым салезіянскім араторыі на свята «Андрэйкі» перад Адвэнтам. Назва гэтага свята паходзіць ад успаміну св. апостала Андрэя, які адзначаецца якраз перад пачаткам Адвэнту.

Сёлета дзятлаўская моладзь вырашыла адсвяткаваць «Андрэйкі» ў беларускіх народных звычаях, апрануўшыся ў народныя строі.

Падчас свята акцэнт рабіўся на беларускіх звычаях, традыцыях святкавання, а таксама на гульнях і забаўляльных конкурсах. Цікавым было і традыцыйнае сялянскае вяселле з усімі абрадамі і звязанай з гэтай падзеяй сімволікай, імправізаванае моладдзю.

Паводле www.sdb.by

(AG)

Фота www.sdb.by