Навучэнцы гродзенскай духоўнай семінарыі наведалі дом-музей Максіма Багдановіча |
Беларусь - Гродзенская дыяцэзія
|
17.12.2014 10:44 |
Навучэнцы Вышэйшай духоўнай семінарыі ў Гродне наведалі дом-музей Максіма Багдановіча ў 123-ю гадавіну нараджэння беларускага паэта.
Пра гэта паведамляе старонка Вышэйшай духоўнай семінарыі ў Гродне.
У Гродне Максім Багдановіч жыў з 1892 па 1896 год, у першыя гады дзяцінства. ![](/2/images/stories/news/2014/12/2014-12-17-pr2.jpg)
Падчас экскурсіі семінарысты даведаліся не толькі аб фактах біяграфіі Максіма Багдановіча і яго сям’і, але і пра многіх сучаснікаў паэта — Цётку, Францішка Багушэвіча, Зоську Верас, а таксама пра суполку «Загляне сонца і ў наша ваконца». Таксама навучэнцам семінарыі расказалі аб дзейнасці першых беларускіх газет — «Нашай Нівы», «Нашай Долі», часопіса «Гоман».
Ёсць у музеі і абраз Маці Божай Вастрабрамскай, якую ўшаноўваў і Максім Багдановіч.
Наведвальнікі мелі магчымасць паслухаць «Паланэз» Міхаіла Агінскага і радкі з твора маці Багдановіча — Марыі Апанасаўны, які яна пісала менавіта ў гэтым доме.
(IL)
|