Ва ўрачыстасць Аб’яўлення Пана адбылася святая Імша ў шпіталі ў Дзятлаве (Гродзенская дыяцэзія). У Імшы, якая праходзіла ў актавай зале шпіталя, удзельнічалі медыцынскі персанал і пацыенты.

У гаміліі пробашч мясцовай парафіі Унебаўзяцця Найсвяцейшай Панны Марыі кс. Здзіслаў Пікула SDB адзначыў вялікую важнасць прафесіі медыка. “Вы, медыкі знаходзіцеся вельмі блізка Хрыста, які церпіць і патрабуе дапамогі ў асобе кожнага хворага пацыента”, - падкрэсліў святар.

Ксёндз Здзіслаў Пікула нагадаў таксама, што неўзабаве ў дзятлаўскім шпіталі будзе капліца, куды кожны зможа прыйсці і падзяліцца сваімі клопатамі і радасцямі з Езусам Хрыстом.

Падчас Імшы дзеці і моладзь дзятлаўскага араторыя выконвалі калядныя спевы. Пасля літургіі сабраныя падзяліліся аплаткай, складаючы адзін аднаму святочныя віншаванні.

Паводле www.sdb.by

(AG)

Фота www.sdb.by