18 студзеня калядныя віншаванні для маленькіх пацыентаў артапеда-траўматалагічнага аддзялення абласнога дзіцячага шпіталя ў Гродне падрыхтавалі валанцёры дабрачыннага каталіцкага таварыства «Карытас» Гродзенскай дыяцэзіі.

Падчас арганізаванага мерапрыемства дзеці расказвалі вершыкі, хараводзілі, спявалі калядныя і навагоднія песні, а потым атрымалі падарункі, сабраныя падчас дабрачыннай акцыі «Карытас-Беларусь», якая праходзіла ў Мінску, і акцыі «Ад сэрца да сэрца», арганізаванай сеткай крамаў «Родны кут» у Гродне.