Фота Аўдыё Відэа  
be  ru  pl  en  de info@catholic.by
.
.
Гэта архіў старой версіі сайта. Новая версія знаходзіцца па адрасе catholic.by
Біскупы Гродзенскай дыяцэзіі наведалі фінальны канцэрт праваслаўнага фестывалю «Каложскі дабравест»
Беларусь - Гродзенская дыяцэзія
18.02.2015 12:04

У Гродзенскім драмтэатры прайшла цырымонія закрыцця фестываля «Каложскі дабравест», якую наведалі і каталіцкія іерархі — біскуп Гродзенскі Аляксандр Кашкевіч і дапаможны біскуп Гродзенскай дыяцэзіі Юзаф Станеўскі.

На закрыцці фестывалю былі ўзнагароджаны пераможцы. Рашэннем журы галоўны прыз быў прысуджаны студэнцкаму хору Беларускай дзяржаўнай акадэміі музыкі пад кіраўніцтвам Інэсы Бадзяка. Пра гэта паведамляе orthos.org.

Мэта фестывалю, як адзначыў архіепіскап Гродзенскі і Ваўкавыскі Арцемій, — «дапамагчы сустрэцца з Богам і адзін з адным». «Мы бачылі розныя калектывы, мы бачылі розныя нацыянальныя традыцыі, але ўсіх аб’ядноўвала адно — вера. Ніякая ідэалагічная, палітычная структура не ў стане аб’яднаць людзей так, як аб’яднае іх вера ў Хрыста — рэлігія, якая яднае Бога і чалавека, а таксама людзей паміж сабой. І вось такую еднасць мы назіралі падчас фестывалю», - сказаў іерарх.

Паводле слоў мастацкага кіраўніка фестывалю Уладзіміра Лябецкага, у гэтым годзе «Каложскі дабравест» пашырыў сваю геаграфію. Удзел у ім прынялі каля 40 свецкіх і царкоўных калектываў з Беларусі, Расіі, Польшчы, Літвы, Румыніі. Упершыню прыехалі ўдзельнікі з Грузіі і Малдовы.

 



Акрамя таго, сёлетні фестываль стаў самым працяглым за ўсю гісторыю яго правядзення. Выстаўка факсімільных выданняў старажытных кніг, вечар духоўнай паэзіі, кіналекторый, выстаўка сучаснай іконы і аўтарскай фатаграфіі, шмат добрай музыкі ў выкананні ўдзельнікаў — усе гэтыя падзеі адбыліся ў межах XIV Міжнароднага фестывалю праваслаўных песнапенняў.

(AYU)
 
для друку


Пры выкарыстанні матэрыялаў сайта спасылка на Catholic.By абавязкова.

Беларусь - Гродзенская дыяцэзія

10.07 14:12Рэпартаж з Дубка — самай лясной капліцы ў Беларусі
08.07 20:48Урачыстасці Маці Божай прайшлі ў санктуарыі ў Тракелях
23.06 14:47Завяршылася IX Парафіяда дзяцей і моладзі Гродзенскай дыяцэзіі
21.06 13:16Дыяцэзіяльная Парафіяда ў Гродне прыняла рэкордную колькасць удзельнікаў (+фота)
20.06 16:16Велапрабег для маленькіх парафіянаў прайшоў у Іўі
19.06 14:45Перапынак у вучобе без спынення фармацыі: у гродзенскай семінарыі завяршыўся навучальны год
16.06 14:33Тысячы католікаў прайшлі вуліцамі Гродна ў працэсіі Божага Цела
10.06 00:19Адышоў у вечнасць бацька кс. Юрыя Ёдзіка
08.06 15:37Memento mori. Ксяндза Яна Шуткевіча пахавалі на гарадскіх могілках у Гродне (+фотарэпартаж)
06.06 13:13Згарэў касцёл у Клюшчанах — месца служэння Казіміра Сваяка (абноўлена)

 
© 2003-2025 Канферэнцыя Каталіцкіх Біскупаў у Беларусі		 Кантакты