Свята 8 сакавіка — Міжнародны дзень жанчын — не абмінула і араторый св. Яна Боско ў Смаргоні (Гродзенская дыяцэзія). Пасля дзіцячай святой Імшы дзеці сабраліся ў араторыі, каб разам правесці час і павіншаваць адзін аднаго.

Для дзяўчынак была падрыхтавана конкурсная праграма, падчас якой яны маглі павесяліцца, знайсці новых сяброў і адчуць сябе сапраўднымі прынцэсамі. Хлопчыкі таксама з радасцю ўдзельнічалі ў гульнях, падтрымліваючы дзяўчат.

У канцы праграмы маленькія міс атрымалі кароны з пэўнымі званнямі («Міс Усмешка», «Міс Адказнасць», «Міс Загадка» і г.д.).

Сабраныя памаліліся за ўсіх дзяўчат і маці і павіншавалі адзін аднаго.

Паводле sdb.by

(AG)

Фота sdb.by