У ноч Уваскрасення Пана моладзь парафіі Унебаўзяцця Найсвяцейшай Панны Марыі i св. Язафата Кунцэвіча ў Сапоцкіне малілася пры магіле Пана ў гродзенскіх парафіях і ў парафіях свайго дэканату. На працягу ночы маладыя людзі разам са сваім пробашчам наведалі 13 святыняў.

Падчас наведвання святыняў, на малітве перад Найсвяцейшым Сакрамэнтам моладзь малілася за парафіянаў таго касцёла, які наведвала, а таксама за моладзь нашай краіны, каб яна ніколі не губляла сваёй хрысціянскай ідэнтычнасці. Таксама маладыя людзі спявалі рэлігійныя песні ў знак падзякі Езусу Хрысту, які стаў пераможцам смерці, пекла і д'ябла.

Звычай наведвання магілы Пана ў іншых парафіях, паводле сапоцкінскіх маладых людзей, набліжае і дапамагае ім перажыць збаўчую таямніцу мукі, смерці і ўваскрасення Хрыста. Маладыя людзі могуць пазнаёміцца з разнастайнасцю мастацкага афармлення магіл Пана, якая ў кожнай парафіі мае сваю асаблівасць і вобразнасць.

Дарэчы, гэтая традыцыя наведвання магiл Хрыста ў розных касцёлах на Гродзеншчыне ўзнiкла даволi даўно. Шматлiкiя вернiкi, а асаблiва маладыя людзi ў гэту ноч пiлiгрымуюць з касцёла ў касцёл. Часта на аўтамабiлях, а яшчэ часцей — пешшу.

Менавiта такім чынам і з’яўляюцца новыя традыцыі, якія павінны старанна культывавацца і надалей, каб мець магчымасць квітнець і пастаянна знаходзіць новых паслядоўнікаў і ахвотнікаў.

Пілігрымаванне моладзі з сапоцкінскай парафіі скончылася ў нядзельную раніцу Уваскрасення Пана ўдзелам у рэзурэкцыйнай Імшы ў сваім парафіяльным касцёле.