У Лідзе дзеці выступілі з прадстаўленнем аб муцы, смерці і Уваскрасенні Хрыста |
Беларусь - Гродзенская дыяцэзія
|
15.04.2015 16:23 |
12 красавіка, у свята Божай Міласэрнасці, дзеці з парафіі Святой Сям’і ў Лідзе выступілі ў сваім касцёле з прадстаўленнем аб муцы, смерці і Уваскрасенні Езуза Хрыста.
Прадстаўленне рыхтавалі сёстры з Кангрэгацыі Дачок Беззаганнай Марыi, якія нясуць служэнне у гэтай парафіі. Узрост маленькіх акцёраў складаў ад 4 да 9 гадоў. Для многіх з іх гэта быў дэбют іх акцёрскіх здольнасцяў
Прадстаўленне засноўвалася на Евангеллі паводле Мацвея. Падчас прадстаўлення вернікі маглі духоўна яднацца з церпячым Езусам Хрыстом, які з вялікай любові да чалавека памёр на крыжы, гэтым паказаўшы, якой любоўю любіць кожнага чалавека.
Прадстаўленне паказвала таксама, што з момантам смерці жыццё чалавека не скончваецца, а набывае іншае вымярэнне; што пасля смерці чалавека чакае шчаслівая вечнасць, якую трэба заслужыць ужо жыццём на зямлі.
Пробашч парафіі кс. Юзаф Ганьчыц ўзнагародзіў выступоўцаў салодкімі пачастункамі, а вернікі, прысутныя ў святыні, гучнымі апладысментамі.
С. Катажына Бучынская
|
Фотарэпартаж |