Навучэнцы семінарыі ў Гродне здзейснілі падарожжа па вядомых гістарычных мясцінах Беларусі |
Беларусь - Гродзенская дыяцэзія
|
03.06.2015 10:09 |
30 мая навучэнцы Вышэйшай духоўнай семінарыі ў Гродне здзейснілі падарожжа па вядомых гістарычных мясцінах Беларусі. Сярод наведаных месцаў былі санктуарый Маці Божай Барунскай, Крэўскі замак, касцёл св. Міхала Арханёла ў Смаргоні, сядзіба М.К. Агінскага ў Залессі, касцёл св. Міхала Арханёла ў Ашмянах, Лідскі замак і іншыя.
Семінарысты пазнаёміліся з сапраўды ўнікальнай культурай роднага краю, з тымі помнікамі гісторыка-культурнай спадчыны, якія выклікаюць захапленне і гонар і з’яўляюцца сапраўднымі шэдэўрамі сусветнага мастацтва.
Насычаны падзеямі і цікавай інфармацыяй дзень завяршыўся адпачынкам каля касцёла Святой Сям’і ў Лідзе, дзе быў арганізаваны вечар з мясцовай моладдзю.
Семінарысты выражаюць падзяку рэктару кс. Раману Рачко, кс. Яну Пузыну, кс. Юзафу Ханьчыцу і ўсім, хто дапамог арганізаваць гэтае цікавае, пазнавальнае і карыснае падарожжа.
Паводле www.wsd.grodnensis.by (AG)
Фота www.wsd.grodnensis.by
|