Для арганізатараў і ўсіх, хто прыняў удзел у правядзенні V Дня дзіцяці «Хачу быць місіянерам радасці!» у Гродзенскай дыяцэзіі, быў напісаны верш-падзяка.
Аўтарам вершу з’яўляецца салезіянская аніматарка Эліна Урбанайць са Смаргоні. Адным з арганізатараў і дапаможнікаў падчас дзіцячага свята ў Гродне была група аніматараў пад назваю «Смурфы»: Смурфэтка – аніматар Ганна, Смурф Расцяпа – аніматар Вольга, Гаргамель — аніматар Дзяніс, якія і ўзгадваюцца ў вершы.
Верш-падзяка Гродна ўсіх сяброў сабрала У 5-ы Дзень дзіцяці: Гульні, усмешкі і забавы І любоў да Бога Маці. Дзеці з рознае мясцінаў: Шчучын, Маладзечна, Ліда, Радунь, Несвіж хтось пакінуў Ды і з іншых далявідаў! Свята разам адзначалі, Біскуп Юзаф благаславіў, У радасці ўсе чувалі: Кожны час з малітвай бавіў. З канферэнцыі ўсе словы У сэрцы нашым застануцца: «Місіянерам — быць гатовы», «Як да шчасця ўсім імкнуцца, Да Хрыста заўжды хінуцца, Ласку мудрасці прасіць, Каб сябрамі стаць і жыць. Тут смаргонская Смурфэта Прывітала з намі лета, А страшны, злы Гаргамель Добрым стаў у гэты дзень. «Савіо-клуб»: хлапцы і дзеўкі Праспявалі ўсім прыпеўкі, Бансы «Смурфы», «Шакалад» Падхапіў усіх «рабят»! Тут майстэрні, там батуты, Снеданне, смачны абед. Зноў склікаюць дзетак смурфы, «Крыо-шоў!» — яшчэ сакрэт! —Чарадзей! Чарадзей! Зачараваў усіх дзяцей. Колькі радасці, усмешак, І ксёндз Юрый усіх пацешыў, Да «каронкі» ўсіх паклікаў Богу дзякаваць за ўсё: За цудоўнае надвор’е, За шчаслівае жыццё. Кожны меў шмат падарункаў, Было шмат і тат, і мам. Словы шчырыя падзякі Мы гаворым сёння вам! Вельмі дзякуем за свята! Езус благаславіць вас! Быць шчаслівым місіянерам Пажаданне ў кожны час. Кожны час з Табой, Марыя, Крочыць з верай я хачу, Як быць радасці місіянерам Усіх дзяцей, як Ты, вучу. Мы з парафіі Смаргоні — Араторый, «Савіо-клуб» Вам з любоўю: «Шчыра дзякуй!» Дасылаем усе мы тут!... 1 чэрвеня 2015 года С. Ірына Барцэвіч FMA, AYU Фота Эліны і Валянціны Урбанайць
|