Апошнім часам біскуп Гродзенскі Аляксандр Кашкевіч здзейсніў некалькі новых прызначэнняў у Гродзенскай дыяцэзіі.

k

• Ксёндз Мікалай Ціхановіч звольнены з пасады пробашча парафіі Імя Найсвяцейшай Панны Марыі i св. Яна Непамука ў Вялікіх Эйсмантах і парафіі Найсвяцейшага Сэрца Пана Езуса i св. Язафата ў Заневічах Бераставіцкага дэканата і накіраваны на служэнне ў Віцебскую дыяцэзію.

• Ксёндз Валерый Быкоўскі звольнены з пасады духоўнага айца Вышэйшай духоўнай семінарыі ў Гродне і прызначаны пробашчам парафіі Імя Найсвяцейшай Панны Марыі i св. Яна Непамука ў Вялікіх Эйсмантах і парафіі Найсвяцейшага Сэрца Пана Езуса i св. Язафата ў Заневічах Бераставіцкага дэканата.
• Ксёндз Тадэвуш Крыштопік звольнены з пасады духоўнага айца Вышэйшай духоўнай семінарыі ў Гродне і прызначаны пробашчам парафіі Беззаганнага Зачацця Найсвяцейшай Панны Марыі ў Квасоўцы, а таксама будзе абслугоўваць капліцу Божай Міласэрнасці ў Свіслачы (дэканат Гродна-захад).
• Ксёндз Павел Барысевіч звольнены з пасады вікарыя парафіі Св. Міхала Арханёла ў Ашмянах і прызначаны адміністратарам парафіі Сэрца Пана Езуса ў Наваельні і парафіі Божага Цела ў Дварцы (Дзятлаўскі дэканат).

Біскуп Гродзенскі жадае святарам плённага служэння ў новых парафіях і дзякуе за адданую і ахвярную святарскую паслугу ў Касцёле.

(JM)