Адбылася пілігрымка з Ліды “шляхам святога Яна Паўла ІІ” |
Беларусь - Гродзенская дыяцэзія
|
24.07.2015 14:16 |
19-24 ліпеня адбылася пілігрымка з Ліды “шляхам святога Яна Паўла ІІ” у Польшчу. У ёй прынялі ўдзел урачы, прадстаўнікі службы аховы здароўя і іншыя жыхары горада – у цэлым 53 чалавекі.
Удзельнікі пілігрымкі наведалі Кракаў (між іншым Стары горад з вуліцай Кананічнай, дзе знаходзяцца “папскія вокны”, Вавель, Казімеж, санктуарый у Лагеўніках) і Кальварыю Зэбжыдоўскую, дзе цэлебравалася Імша за пілігрымаў.
Наступны дзень пілігрымкі пачаўся з наведвання Закапанэ, санктуарыя Маці Божай Фацімскай. Потым адбыўся шпацыр па Закапанэ і ваколіцах, наведванне Губалоўкі, праход турыстычным шляхам на Баторавы Верх і з’езд адтуль крэсельнай канатнай дарогай.
Яшчэ адзін дзень пілігрымы пачалі наведваннем санктуарыя ў Людзьмеры, дзе адбылася святая Імша. Пасля яны наведалі Вадавіцы, лагер у Асвенцыме, а затым прыбылі ў Чэнстахову на “Яснагорскі апэль”.
На наступны дзень адбылася Імша ў падзяку за пілігрымку і ў інтэнцыі апекі над сем’ямі і жыхарамі Ліды. Пасля наведвання санктуарыя пілігрымы вярнуліся ў Ліду.
(AG)
|
Фотарэпартаж |