27 ліпеня біскуп Гродзенскі Аляксандр Кашкевіч сустрэўся ў Гродзенскай курыі з новапасвечанымі святарамі дыяцэзіі і ўручыў ім дэкрэты, якімі выслаў новапрэзбітэраў на першыя пляцоўкі, дзе яны будуць дапамагаць пробашчам.

На выкананне даверанай місіі гродзенскі ардынарый удзяліў маладым святарам пастырскае благаслаўленне і пажадаў плённай душпастырскай паслугі.

Прэзбітэрскае пасвячэнне атрымалі 27 чэрвеня ў гродзенскім катэдральным касцёле св. Францішка Ксаверыя:

— кс. Дзмітрый Папенюк (паходзіць з парафіі Унебаўзяцця Найсвяцейшай Панны Марыі ў Дзярэчыне), накіраваны вікарыем у парафію Святых Космы і Дам’яна ў Астраўцы);

— кс. Юрый Садоўскі (паходзіць з парафіі Адшукання Святога Крыжа ў Астраўцы, накіраваны вікарыем у парафію Святога Вацлава ў Ваўкавыску);

— кс. Віталій Пяткевіч (паходзіць з парафіі Святога Міхала Арханёла ў Ашмянах, накіраваны вікарыем у парафію Адшукання Святога Крыжа (пабернардынскі) у Гродне).

Кс. Юрый Марціновіч