Гэта
архіў старой версіі сайта. Новая версія знаходзіцца па адрасе
catholic.by
Біскуп Аляксандр Кашкевіч наведаў парафіі ў Нястанішках і Жодзішках |
Беларусь - Гродзенская дыяцэзія
|
04.09.2015 15:38 |
Біскуп Гродзенскі Аляксандр Кашкевіч здзяйсняе кананічную візітацыю парафій Смаргонскага дэканата. У трэці дзень візітацыі іерарх наведаў парафіі Маці Божай Добрай Рады ў Нястанішках і Найсвяцейшай Тройцы ў Жодзішках.
У гэтых парафіях служыць ксёндз Павел Калеснік.
У першай палове дня біскуп прыбыў у Нястанішкі. Гродзенскага ардынарыя прывіталі вернікі каля касцёльнай брамы. Падчас святой Імшы гамілію аб Маці Божай Добрай Рады – галоўнай апякунцы парафіі – прамовіў натарыус гродзенскай курыі ксёндз доктар Аляксандр Мацкевіч.
![](/2/images/phocagallery/2015/09/2015-09-04-niastanishki/thumbs/phoca_thumb_l_2015-09-03-niastanishki-022.jpg)
У другой палове дня іерарха віталі дзеці, моладзь і старэйшае пакаленне вернікаў у адным з самых старых касцёлаў у Беларусі – у Жодзішках. У 2012 годзе біскуп ужо маліўся ў гэтай парафіі ў 400-гадовы юбілей касцёла.
Напрыканцы Імшы біскуп асвяціў школьныя прылады і благаславіў школьнікаў.
У абедзвюх парафіях пасля Імшаў іерарх сустрэўся з касцёльным камітэтам і парафіянамі.
Кс. Антон Казлоўскі, (AG)
|
Фотарэпартаж |
Пры выкарыстанні матэрыялаў сайта спасылка на
Catholic.By абавязкова.