3 кастрычніка гасцінна адкрыў свае дзверы для дзяцей і моладзі араторый імя благаслаўлёных мучанікаў з Познані ў Дзятлаве (Гродзенская дыяцэзія).

Першым пунктам праграмы была Эўхарыстыя. У гаміліі кс. Здзіслаў Пікула SDB засяродзіў увагу прысутных на ролі духоўнага выхавання ў жыцці кожнага чалавека, магчымасці кожнага юнака альбо дзяўчыны знайсці час, каб ахвяраваць яго Богу, дадаўшы, што адным з такіх месцаў з’яўляецца араторый. Гамілію святар завяршыў словамі св. Яна Боско: “Нагамі хадзіце па зямлі, а сэрцам жывіце ў небе”.

Пасля Імшы прысутныя былі запрошаны на працяг святочнага мерапрыемства, якое праходзіла ў араторыі. Дзецям і моладзі былі прапанаваны цікавыя і разнастайныя па зместу гульні, шмат танцаў. У канцы мерапрыемства ўсіх чакаў салодкі стол.

Наперадзе шмат цікавых і захапляльных сустрэч у араторыі.

Паводле www.sdb.by

(AG)

Фота www.sdb.by