Ва ўспамін усіх памерлых вернікаў айцы піяры са Шчучына (Гродзенская дыяцэзія) ушанавалі памяць спачылых братоў супольнасці.

У гэтыя дні вернікі ўспамінаюць у малітвах у першую чаргу пра бацькоў, бабуль і дзядуляў, сваякоў, якія адышлі ў вечнасць. Айцы піяры ў гэтыя дні таксама ўшанавалі памяць памерлых братоў, якія належаць да іх супольнасці, і наведалі месца іх пахавання.

У Лідзе (Гродзенская дыяцэзія) пахаваны пробашч і апошні рэктар былога піярскага калегіума (зараз праваслаўная царква) а. Клімент Марыян Чабаноўскі SP, а таксама былы лідскі дэкан а. Станіслаў Роек SP, а ў Крамяніцы - а. Станіслаў Петраш SP.

Часы, калі піяры працавалі ў Беларусі, былі нялёгкімі, многія з братоў былі запалоханы і выгнаны з парафій, але, нягледзячы ні на што, святары заставаліся вернымі свайму пакліканню і прысвяцілі шмат гадоў жыцця служэнню на гэтых землях. Гэта могуць пацвердзіць людзі, якія сустракаліся з імі.

А. Віталій Слука SP, (MV), (AG)

Фота а. Віталія Слукі SP