22 лістапада, у нядзелю Хрыста Валадара Сусвету, у парафіі ў Шчучыне (Гродзенская дыяцэзія) прайшлі ўрачыстасці, звязаныя з аднаўленнем абяцанняў Літургічнай службай алтара і моладзевым хорам «Calasanz».

Літургічная служба алтара шчучынскай парафіі аднаўляе свае абяцанні ў гэты дзень традыцыйна. Падчас святой Імшы ў лік кандыдатаў, якія рыхтуюцца стаць міністрантамі, былі прыняты сем хлопцаў. Некаторыя з міністрантаў у гэты дзень апынуліся на чарговай ступені прыналежнасці да Літургічнай службы алтара, а на заканчэнне ўсе міністранты аднавілі свае абяцанні перад пробашчам парафіі а. Вітальдам Пяцельчыцам SP, які ўзначаліў урачыстасці, і ўсімі вернікамі. Міністранты нанова абяцалі рупліва служыць пры алтары, узорна сябе паводзіць і быць добрым прыкладам для ўсіх як у касцёле, так і за яго межамі.

Таксама ў гэты дзень упершыню ў шчучынскай парафіі свае абяцанні склаў моладзевы хор «Calasanz», просячы заступніцтва св. Юзафа Каласанса і св. Цэцыліі, чый успамін адзначаўся ў нядзелю. Удзельнікі атрымалі знакі прыналежнасці да хору.

Да парафіяльнага хору ў гэтым годзе далучылася таксама сем кандыдатак.

Пасля святой Імшы сабраных чакаў салодкі пачастунак і сюрпрыз.

А. Віталій Слука SP, (AG)