Калядным канцэртам завяршылася англамоўная Імша ў вігілію Божага Нараджэння ў гродзенскім касцёле Звеставання Найсвяцейшай Панне Марыі (пабрыгідскі), якую цэлебраваў кс. Антоні Грэмза.

Студэнты з афрыканскіх краін, якія прыехалі на вучобу ў медыцынскі ўніверсітэт Гродна, падрыхтавалі адмысловы канцэрт з песнямі, танцамі і нават тэатралізаваным прадстаўленнем. На прадстаўленне былі запрошаны моладзь і іншыя вернікі Гродна.

У вігілійнай Імшы прынялі ўдзел афрыканскія студэнты-католікі, а таксама іх сябры-пратэстанты.

Як правіла, нядзельная Імша на англійскай мове, якую для афрыканскіх студэнтаў праводзіць душпастыр моладзі Гродзенскай дыяцэзіі кс. Антоні Грэмза, збірае да 30-40 чалавек.

 Яна Шостак, відэа аўтара