У перыяд святаў Божага Нараджэння ў лідскай цэнтральнай раённай бальніцы (далей — ЦРБ) пачалася дабрачынная акцыя «Рука міласэрнасці».

Галоўным ініцыятарам акцыі і адным з яе асноўных спонсараў разам з дырэктарам мясцовага Дома гандлю Валерыем Касяком выступіў капелан капліцы Маці Божай з Лурда пры ЦРБ кс. Юрый Бяганскі.

Першымі свае падарункі атрымалі 30 дзяцей, якія свята Божага Нараджэння сустракалі на лячэнні ў раённым педыятрычным аддзяленні ЦРБ для дзяцей-інвалідаў.

Пазней сваіх уладальнікаў знайшлі і адмысловыя сертыфікаты на падарункі. Неўралагічнае аддзяленне ЦРБ атрымала крэслы-каляскі для транспарціроўкі пацыентаў.

Памятныя падарункі з рук галоўнай медсястры Галіны Якімовіч і старэйшай акушэркі Алены Хартановіч атрымалі і мамы адзінаццаці немаўлят, якія нарадзіліся ў радзільні 24 і 25 снежня.

(IL)