У першыя дні новага 2016 года біскуп Гродзенскі Аляксандр Кашкевіч прызначыў ксяндза Юзафа Багдзевіча вікарыем па справах агульнага душпастырства Смаргонскага рэгіёна.

На новай пасадзе святар заменіць кс. Здзіслава Вэдэра SDB, які ў верасні 2015 года быў прызначаны духоўным айцом навучэнцаў Вышэйшай духоўнай семінарыі ў Гродне.

Ксёндз Юзаф Багдзевіч нарадзіўся 8 кастрычніка 1973 года. Паходзіць з парафіі Унебаўзяцця Найсвяцейшай Панны Марыі ў Новым Двары. Прэзбітэрскае пасвячэнне атрымаў 12 кастрычніка 1997 года ў гродзенскай катэдры з рук гродзенскага ардынарыя біскупа Аляксандра Кашкевіча.

З 2003 года кс. Юзаф Багдзевіч з'яўляецца пробашчам у парафіі Свв. Космы і Дам’яна ў Астраўцы. У чэрвені 2015 быў прызначаны дэканам Астравецкага дэканату.

Біскупскі вікарый прызначаецца дыяцэзіяльным біскупам у справах выканаўчай улады ў пэўнай частцы дыяцэзіі або пэўнай частцы спраў. Біскупскі вікарый павінен інфармаваць біскупа пра важнейшыя справы ў адпаведным рэгіёне.

Кс. Юрый Марціновіч, (IL)