16 студзеня музычны гурт «Ave» Вышэйшай духоўнай семінарыі ў Гродне наведаў дзіцячы дом-інтэрнат у Радуні.

Добры настрой дзяцей, іх радасная і адкрытая ўсмешка на тварах гаварылі аб тым, што выхаванцы інтэрната з нецярплівасцю чакалі прыезду семінарыстаў і падрыхтавалі для іх адметную тэатральную пастаноўку аб Божым Нараджэнні.

Сустрэча аказалася цікавай і насычанай, уключыла канцэрт, гульні, размовы і шмат іншага.

Напрыканцы кожны ўдзельнік атрымаў салодкі падарунак.

Такія сустрэчы, па словах саміх навучэнцаў семінарыі ў Гродне, вельмі важныя і патрэбныя як для тых, хто рыхтуецца да святарства, так і для дзяцей, якім неабходны ўвага і клопат.

(AG)