27 лютага ў парафіі Унебаўзяцця Найсвяцейшай Панны Марыі ў Лідзе (мк-н Індустрыяльны), дзе служаць айцы піяры, адбыўся тэнісны турнір паміж міністрантамі піярскіх парафій Шчучына і Ліды.

Ужо стала традыцыяй, што міністранты розных узростаў спаборнічаюць паміж сабой на тэнісным турніры.

Спаборніцтвы прайшлі ў трох катэгорыях: А (5-7 кл.); В (8-9 кл.); С (10-11 кл.).

У турніры ўдзельнічалі школьнікі з Ліды: Антон Велента, Дзяніс Коц, Мікіта Навіцкі, Улад Чашэйка, Улад Мінойць і Павел Шырма.

Іх супернікамі былі маладыя тэнісісты са Шчучына: Глеб Васькоўскі, Міхал і Дзмітрый Лобач, Роберт Ярмак, Максім Міхалоўскі, Мечыслаў Кахновіч, Андрэй Яхоўскі.

Вядома, не ўсе сталі пераможцамі і камусьці не ўдалося заняць прызавыя месцы, але для ўдзельнікаў было галоўным не гэта, а тое, што яны — супольнасць міністрантаў, былі разам і добра правялі гэты час.

Арганізатарамі турніру з’яўляюцца а. Віталь Слука SP, вікарый парафіі Св. Тэрэзы Авільскай у Шчучыне, і а. Аляксандр Махнач SP, вікарый парафіі Унебаўзяцця Найсвяцейшай Панны Марыі ў Лідзе (мр-н Індустрыяльны).

Спонсарамі спартыўнага спаборніцтва выступілі пробашчы піярскіх парафій: а. Андрэй Агель SP, пробашч парафіі Унебаўзяцця Найсвяцейшай Панны Марыі у Лідзе, і а. Вітольд Пяцельчыц SP, пробашч парафіі Св. Тэрэзы Авільскай у Шчучыне.

А. Аляксандр Махнач SP

Фота: а. Віталь Слука SP, Сяргей Масло